प्रेरित पावलले जस्तै
आशिष् पाउन चाहनुहुन्छ भने

“सुसमाचारमा पावलले जस्तै परिश्रम गर्नेहरूले स्वर्गमा ठूलो इनाम पाउनेछन् ।”

प्रेरित पावल सबैभन्दा योग्य व्यक्ति भएकाले त्यस बेलाका मानिसहरूले तिनको शिक्षा, धन, शक्ति, सम्मान र तिनी रोमी नागरिक भएको कुरामा ईर्ष्या गर्थे । तर परमेश्वरबाट बोलावट पाएर सुसमाचार प्रचार गर्न थालेपछि तिनले घमण्डलाई त्यागेर पूर्ण नम्रतामा आँसु बगाउँदै प्रचार गरे (प्रे २०:१७-२०) । कठ्याङ्ग्रिने जाडो, नग्नता, भोक र कुटाइ सहनुपरे पनि तिनले स्वर्गको मूल्य बुझेकाले कष्टलाई कष्टको रूपमा लिएनन् तर केवल मण्डली र सन्तहरूको फिक्री गरे ।

परमेश्वर स्वयम्‌ले यस पृथ्वीमा सुसमाचार प्रचार गर्नुहुँदा कष्ट भोग्नुभएजस्तै परमेश्वरका उत्तराधिकारी भएका हामीले पनि यस पृथ्वीमा नम्र हुँदै कष्ट भोग्नुपर्छ (रोम ८:१६-१८) । इनाम पाउनेहरूले अरू मानिसभन्दा बढी परिश्रम गर्छन् । सुसमाचार कार्यमा पावलजस्तै परिश्रम गर्नेहरूले स्वर्गमा ठूलो इनाम पाउनेछन् ।

माताको वचन, “नम्र होओ, उचित समयमा म तिमीहरूलाई उच्च पार्नेछु”

प्रेरित पावलले “म प्रतिदिन मर्दछु” भनेका थिए । योचाहिँ शारीरिक मृत्युको विषय होइन तर प्रतिदिन घमण्ड र सांसारिक चाहना मार्ने विषय हो ।

स्वार्थी मनलाई प्रेमिलो मनमा परिवर्तन गर्न गाह्रो हुन्छ । तर गाह्रो काम गरेमा प्रशस्त आशिष् प्राप्त गर्न सकिन्छ । प्रेरित पावलले “म प्रतिदिन मर्दछु” भनेका थिए ।

“हाम्रा प्रभु येशूमा तिमीहरूको कारण म गर्व गर्दछु, र म भन्न सक्तछु, कि प्रतिदिन म मर्दछु ।” १ कोर १५:३१

योचाहिँ शारीरिक मृत्युको विषय होइन तर प्रतिदिन घमण्ड र सांसारिक चाहना मार्ने विषय हो । किनभने पापमय स्वभावलाई मारेमा मात्र ख्रीष्टले हामीमा कार्य गर्नुभएर हामीद्वारा अरूमाझ प्रेम बाँड्नुहुन्छ ।

माताको वचन, “नयाँ गरी जन्मेमा मात्र स्वर्गीय राज्य प्रवेश गर्न सकिन्छ”

प्रेरित पावल पनि ‘बोलावटको पुरस्कार’को निम्ति स्वर्गतर्फ दौडिए ।

कष्ट र परीक्षाहरू आउनेछन्, तर हाम्रो वर्तमान कष्टलाई पछि पाउने महिमासँग तुलना गर्न सकिँदैन । किनभने धार्मिकताको निम्ति सताइनेहरूले स्वर्गमा ठूलो इनाम पाउनेछन् (रोम ८:१८; मत्ती ५:१०-१२) । प्रेरित पावल पनि ‘बोलावटको पुरस्कार’को निम्ति स्वर्गतर्फ दौडिए ।

“तर ती कुराहरूलाई पक्रनको निम्ति म अघि बढिरहेको छु जुन कुराको निम्ति ख्रीष्टले मलाई पक्रनुभयो ! भाइ हो, मैले यी सब पक्रिसकेको छु भनी म ठान्दिनँ, …ख्रीष्ट येशूमा परमेश्वरको स्वर्गीय बोलावटमा पाइने पुरस्कारको निम्ति निशानातिर म जोडसँग अगि बढ्दछु ।” फिलि ३:१२-१४

“तिमीसँग जे छ त्यसलाई पक्रिराख” र “जसले मेरा कामहरूलाई आखिरसम्मै कायम राख्छ, त्यसलाई म जाति-जातिमाथि अधिकार दिनेछु” भन्ने वचनमा विश्वास गर्दै अन्त्यसम्मै सुसमाचारको कार्य गरौं (प्रका ३:११, २:२६) ।

माताको वचन, “स्वर्गमा तिमीहरूको इनाम ठूलो हुनेछ”