“Сайн мэдээний тал дээр Паул шиг хүчин чармайлт гаргасан хүмүүс тэнгэрийн оронд орж, агуу шагналыг хүртэх болно.”
Элч Паул тухайн үеийнхний атаархдаг Ромын иргэний харьяаллаас авхуулаад эрдэм мэдлэг, эд баялаг, эрх мэдэл, алдар нэр гээд олон талаараа хамгийн шилдэг нь байв. Гэвч тэрээр Бурханд дуудагдаж, сайн мэдээ тунхаглаж эхлэн бардам зангаа хаяж, даруу зан хийгээд нулимстайгаар тунхаглаж явав. (Үйл 20:17-20) Элч Паул даарч хөрч, нүцгэрч, өлсөж, олон удаа ташуурдуулсан хэдий ч тэнгэрийн хаанчлалын үнэ цэнийг мэдэж байсан учраас зовлонгоо зовлон гэж бодолгүй, зөвхөн сүм болон итгэгчиддээ санаа зовж байжээ.
Бурхан энэ газар ирээд сайн мэдээ тунхаглахдаа хавчигдсан шиг Бурханы өв залгамжлагч болох бид ч бас энэ дэлхийд даруу байж, зовлон ч амсах ёстой. (Ром 8:16-18) Шагнал авах хүмүүс хэзээд бусдаас илүү их хичээл зүтгэл гаргадаг. Сайн мэдээний тал дээр Паул шиг хүчин чармайлт гаргасан хүмүүс тэнгэрийн оронд орж, агуу шагналыг хүртэх болно.
“Өөрсдийгөө даруу байлга, тэгвэл бурхан зохистой цагт өргөмжилнө” Эхийн айлдлаас
“Паул элч “Би өдөр бүр үхдэг” гэсэн байдаг. Махан бие нь үхэх биш бардам зан, ертөнцийн шуналаа үхүүлсэн хэрэг.”
Хувиа хичээсэн сэтгэл хайр болж өөрчлөгдөх хэцүү. Хэцүү зүйлийг хийх юм чинь ерөөл ч их авна. Паул элч “Би өдөр бүр үхдэг” гэсэн байдаг.
“[Ах дүү нар аа,] би өдөр бүр үхдэг. Бидний Эзэн Есүс Христэд миний бахархал болдог та нарын талаарх бахархлаар би баталъя.” 1 Кор 15:31
Махан бие нь үхэх биш, бардам зан, ертөнцийн шуналаа үхүүлсэн хэрэг. Нүгэлт зан чанараа үхүүлж байж л Христ тэр хүний дотор ажиллаж, тэр хүнээр дамжуулан хайраа хуваалцах юм.
“Элч Паул мөн дуудлагын шагналын төлөө, тэнгэрийн хаанчлал өөд гүйсэн.”
Зовлон бэрхшээл байж мэднэ ээ. Гэвч энэ цагийн зовлонгууд бидэнд илчлэгдэх алдрын дэргэд юу ч биш, зөвт байдлын төлөө хавчигдагсдын тэнгэр дэх шагнал агуу гэсэн дээ. (Ром 8:18, Мат 5:10-12) “Элч Паул мөн дуудлагын шагналын төлөө, тэнгэрийн хаанчлал өөд гүйсэн.”
“…харин Христ Есүст юуны төлөө баригдсан, түүнийг л барьж авахын тулд мөрддөг. Ах дүү нар аа, би өөрөө барьж авсан гэж боддоггүй, … Христ Есүс дотор Бурханы дээш чиглэсэн дуудлагын шагналын төлөө бариа өөд урагшилдаг.” Фил 3:12-14
“Өөрт буйгаа бат сахь”, “Үйлсийг минь эцэс хүртэл хамгаалагсдад үндэстнүүдийн дээгүүрх эрх мэдэл өгнө” гэсэн үгэнд итгэн, сайн мэдээний үүргээ эцсээ хүртэл биелүүлцгээе. (Илч 3:11, 2:26)
