क्षमा गर्नको निम्ति

“कसैले मनमा चोट पुऱ्यायो भने पनि त्यो व्यक्तिलाई सेवाको मनद्वारा क्षमा गर्नुपर्छ । अरूलाई आफूभन्दा श्रेष्ठ ठानेमा अरूको सेवा गर्न सकिन्छ ।”

मानिसहरूमध्ये कतिपयको स्वभाव कोकजस्तै हुन्छ र कतिपयको चाहिँ पानीजस्तै हुन्छ । कोकको बोतललाई हल्लाएर बिर्को खोल्यो भने, फिँज निस्किएर छेउछाउको मानिसहरूलाई समेत छिटा पर्ने अवस्था हुन्छ । तर पानीको बोतललाई हल्लाए तापनि त्यसबाट फिँज निस्किँदैन, र त्यसले अरूलाई समस्या दिँदैन । हामीहरू कोकजस्तै अधीर स्वभाव होइनकि, पानीजस्तै शान्त स्वभाव लिऔं ।

“भाइ हो, … प्रेममा तिमीहरू एक-अर्काको सेवक बन । … तर तिमीहरू एउटाले अर्कालाई टोक्ने र निल्ने गर्छौं भनेता होशियार गर, तिमीहरू एक-अर्काबाट नै खतम हुनु नपरोस् । तर म भन्दछु, पवित्र आत्माद्वारा हिँड,” गला ५:१३-१६

हामीभित्र परमेश्वरको पवित्र आत्मा हुनुका साथै छिट्टै उत्तेजित भएर रिसाउने, कलह गर्ने र सहन नसक्ने जस्ता पापमय स्वभावहरू पनि छन् । हामीचाहिँ पवित्र आत्मामा जिउनुपर्छ । कसैले मनमा चोट पुऱ्यायो भने पनि त्यो व्यक्तिलाई सेवाको मनद्वारा क्षमा गर्नुपर्छ । जब हामी अरूलाई आफूभन्दा श्रेष्ठ ठान्छौं तब अरूको सेवा गर्न सक्छौं ।

माताको वचन, “एकतामा रहने विश्वास”

“हामीले दाजुभाइ-दिदीबहिनीलाई क्षमा गऱ्यौं भने परमेश्वरले पनि हामीलाई क्षमा गरिदिनुभएर स्वर्गतर्फ डोऱ्याउनुहुनेछ ।”

प्रेम गर्नु नै क्षमा गर्नु हो । हामीले दाजुभाइ-दिदीबहिनीलाई क्षमा गऱ्यौं भने परमेश्वरले पनि हामीलाई क्षमा गर्नुभएर स्वर्गतर्फ डोऱ्याउनुहुनेछ (मत्ती ६:१४-१५) । बाइबलमा हामीले अरूको न्याय गरेनौं भने परमेश्वरले पनि हाम्रो न्याय गर्नुहुनेछैन, तर प्रशस्त परिमाणमा खाँदीखाँदी बेसरी हल्लाएर, पोखिने गरी आशिष् दिनुहुनेछ भनेर भनिएको छ (लूक ६:३७-३८) । छोरा-छोरीले असल कार्य गर्दा बुबा-आमाले उनीहरूलाई मनपर्ने चीजहरू किनिदिन्छन् । त्यसैले परमेश्वरबाट प्रशस्त आशिष् प्राप्त गर्नका लागि हामीहरू असल सन्तान बन्नुपर्छ ।

माताको वचन, “असल कुरा र खराब कुरा”

रिस उठे तापनि त्यसलाई सहेर, ‘स्वर्गीय पिता मेरो यो स्वभावप्रति खुशी हुनुहुन्छ कि चिन्तित हुनुहुन्छ ?’ भनेर सोच्नुपर्छ ।

“तिमीहरूले मानिसहरूका अपराध क्षमा गऱ्यौ भने तिमीहरूका स्वर्गमा हुनुहुने पिताले पनि तिमीहरूलाई क्षमा गर्नुहुनेछ” (मत्ती ६:१४) भनिएको छ । ‘नयाँ गरी जन्मेन भने परमेश्वरको राज्य देख्न सकिँदैन’ भन्ने वचनजस्तै, स्वर्गीय राज्य जानको निम्ति हामीले आफ्नो पापमय स्वभावलाई फाल्नुपर्छ, अनि पवित्र आत्माको अनुसरण गर्दै सधैँ मेलमिलाप र एकताको स्वभाव लिएर नयाँ गरी जन्मनुपर्छ ।

रिस उठे तापनि त्यसलाई सहेर, ‘स्वर्गीय पिता मेरो यो स्वरूपप्रति खुशी हुनुहुन्छ कि चिन्तित हुनुहुन्छ ?’ भनेर पहिला सोच्नुपर्छ । हाम्रो पापमय स्वरूपलाई परमेश्वरको सुन्दर स्वरूपमा परिवर्तन गराउनको निम्ति परमेश्वर यस पृथ्वीमा आउनुभयो । परमेश्वर हुनुभए तापनि कमाराको रूप धारण गरेर स्वयम् बलिदान हुनुभएका ख्रीष्टको मन हामीहरूले लिनुपर्छ । त्यसो गरेमा बल्ल एकताबद्ध भएर स्वर्ग जान सकिन्छ ।

“स्वार्थ वा अहङ्कारमा केही नगर, … तिमीहरूमा पनि यस्तो मन होस् जो ख्रीष्ट येशूमा पनि थियो । परमेश्वरको स्वरूपमा भएर पनि …तर आफैलाई रित्त्याईकन कमाराको रूप धारण गरेर तथा मनुष्य भएर जन्मनुभयो । स्वरूपमा मानिसजस्तै भएर आफैलाई होच्याउनुभयो, र मृत्युसम्मै, अर्थात् क्रूसको मृत्युसम्मै … परमेश्वर तिमीहरूमा काम गर्नुहुन्छ । … गनगन अथवा वाद-विवाद नगरी सबै काम गर्दैजाओ, …” फिलि २:३-१६

माताको वचन, “एकतामा रहने विश्वास”