- “Зовлон бэршээл дунд ч нэгнийгээ тэвчиж, бие биенээ хайраар тэвэрвэл тэнгэрийн оронд очоод хаан тахилч болно.”
- “Бурхантай нэг бие болсон бид адил сэтгэж, даруу сэтгэлээр бусдыг өөрөөсөө дээр гэж үзэн, зөвхөн өөрийн ажлыг биш итгэгч нараа ч халамжилж мэддэг байх ёстой.”
- “Эцэг Бурхан биднийг өрөвдсөндөө л энэ дэлхийд ирсэн. Бид ч бас ах эгч дүү нараа өрөвдөх ёстой.”
- “Биеэ шатаахаар тушаахаас илүү агуу хайр бол хүмүүст мөнх амийн ерөөл авахад тусалж тэнгэрийн оронд хөтлөх хайр. Энэ хайр нь тэвчээртэй, зүй бус авирладаггүй, бүгдийг тэвчдэг.”
“Зовлон бэршээл дунд ч нэгнийгээ тэвчиж, бие биенээ хайраар тэвэрвэл тэнгэрийн оронд очоод хаан тахилч болно.”
Том сав болсон эсэхийг мэдэх гээд Бурхан үргэлж санааг минь зовоох гэр бүлийг дэргэд маань байлгаж ч мэднэ. Сайн ханддаг гэр бүл л хажууд маань байвал том сав болох боломж гарахгүй шүү дээ. Зовлон бэршээл дунд ч нэгнийгээ тэвчиж, бие биенээ хайраар тэвэрвэл тэнгэрийн оронд очоод хаан тахилч болно.
Бид нэг биеийн эрхтнүүд. Христийг тэргүүнээ болгосон нэг биед хамрын үүрэг, чихний үүрэг, хөмсөгний үүрэг, гарын үүрэг, хөлийн үүрэг гүйцэтгэдэг гэр бүлүүд байдаг ч бүгд эрхэм эрхтнүүд. (1Кор 12:12-27) Хэн нэгнийг дорд үзэх ч ёсгүй, өөрийгөө дээр гэж үзэх ч ёсгүй. Бурхан хөлийн улыг ч чухал гэж үзэж, “Сайн мэдээ тунхаглагчдын хөл юутай сайхан” гэж айлдсан шүү дээ. (Ром 10:13-15)
“Бурхантай нэг бие болсон бид адил сэтгэж, даруу сэтгэлээр бусдыг өөрөөсөө дээр гэж үзэн, зөвхөн өөрийн ажлыг биш итгэгч нараа ч халамжилж мэддэг байх ёстой.”
Хүн ер нь өргөмжлөгдөхийг хүсдэг. Нэгнээсээ шархалж, эв эегүй байдал үүсэх шалтгаан өөрийг нь өргөмжлөөгүйгээс үүдэлтэй байх нь олон. Даруу байж чадаагүйгээс л бүх хэрүүл маргаан, хорон муу үйлдэл бий болдог. Бардам хүмүүс бусдын үгийг сонсдоггүй. Өөрийнхөө эрх ашгийг л бодож, өөрийнхөө л зөв гэж боддог.
Ийм л төрхөөсөө дахин төрөхгүй бол тэнгэрийн хаанчлал явж чадахгүй учраас л зөвт Бурхан Өөрөө ирээд мах цусаа бидэнд идүүлж уулгаснаар Бурханы сайхан зан чанараар өөрчилсөн юм. (Иох 3:3) Бурхантай нэг бие болсон бид адил сэтгэж, даруу сэтгэлээр бусдыг өөрөөсөө дээр гэж үзэн, зөвхөн өөрийн ажлыг биш итгэгч нараа ч халамжилж мэддэг байх ёстой. (Фил 2:2-9)
“Өөрсдийгөө даруу байлга, тэгвэл Бурхан зохистой цагт өргөмжилнө” Эхийн айлдлаас
“Эцэг Бурхан биднийг өрөвдсөндөө л энэ дэлхийд ирсэн. Бид ч бас ах эгч дүү нараа өрөвдөх ёстой.”
Эцэг Бурхан биднийг өрөвдсөндөө л энэ дэлхийд ирсэн. Тэнгэрт нүгэл үйлдэж, тамд орох тавилантай сүнснүүдийг өрөвдсөндөө үхэшгүй мөнх Бурхан Өөрөө махан биеэр ирж, үхэх ёстой бидний нүглийн төлөөсийг загалмайд цовдлогдон байж төлсөн.
Бид ч бас ах эгч дүү нараа өрөвдөх ёстой. Тэднийг өрөвдөхгүй бол тэд хайр хүрэм санагдахгүй. Хайр байхгүй бол тунхаглахад ч хэцүү. Үхэж буй сүнснүүдийг өрөвдөж байж л тэдэнд санаа тавина шүү дээ. Өрөвдөхгүй бол тэд шархлах эсэхийг тоохгүй бодлогогүй үг хэлнэ. Гэвч өрөвдвөл бусдыг шархлах вий, сэтгэл нь өвдөх вий гэж эмээж, тиймэрхүү үг хэлэхгүй. Энэ нь хайр.
“Мөнх амийг өвлөн авахын тулд би юу хийх ёстой вэ?” Эхийн айлдлаас
“Биеэ шатаахаар тушаахаас илүү агуу хайр бол хүмүүст мөнх амийн ерөөл авахад тусалж тэнгэрийн оронд хөтлөх хайр. Энэ хайр нь тэвчээртэй, зүй бус авирладаггүй, бүгдийг тэвчдэг.”
Эцэг “Би та нарыг яаж хайрласны адил та нар мөн бие биенээ хайрлагтун” хэмээсэн. (Иох 13:34) Эцэгийн бидэнд өгсөн хайр бол Өөрийгөө золиослон биднийг аварсан хайр. Та бүхэн Эцэг шиг гэр бүлүүдээ эрхэмлэн, хайрлаж байж л тэднийг аварч чадна.
Бурхан тахилыг бус харин хайр энэрлийг, шатаалт тахилаас илүү Бурханыг болон хайрыг нь мэдэхийг хүсдэг. (Хос 6:6) Бурханыг мэдвэл хайр болох Бурханаас сурах зүйл ч хайр байх юм. “Биеэ шатаахаар тушаасан ч надад хайр үгүй бол энэ нь надад ямар ч ашиггүй юм” гэж бий. Биеэ шатаахаар тушаахаас илүү агуу хайр бол хүмүүст мөнх амийн ерөөл авахад тусалж тэнгэрийн оронд хөтлөх хайр. Энэ хайр нь тэвчээртэй, зүй бус авирладаггүй, бүгдийг тэвчдэг. (1Кор 13:1-7)
“Мөнх амийг өвлөн авахын тулд би юу хийх ёстой вэ?” Эхийн айлдлаас
