- “Бурханы хүүхдүүд Бурханы үг л идэж амьдарна. Бурханы үг их идэж, бусад хүмүүстэй ч хуваалцах хэрэгтэй.”
- “Олон хүнийг аваръя гэвэл өөртөө үйлчлүүлэх биш, үйлчилж золиос гаргах ёстой.”
- “Паул “Бурхан боолын дүрээр ирээд тунхагласан болохоор би нүгэлтэн учраас бүр ч илүү тунхаглах ёстой” гэж бодон даруугаар Бурханы үгийн дагуу үйлдэж, олон үр жимс гаргасан.”
- “Өөрийн бодлоор хийвэл үр жимс гаргахдаа удаан, харин Бурханы сэтгэлээр хийвэл үр жимс гаргаж чадна.”
“Бурханы хүүхдүүд Бурханы үг л идэж амьдарна. Бурханы үг их идэж, бусад хүмүүстэй ч хуваалцах хэрэгтэй.”
“Хүн зөвхөн талхаар бус, харин Бурханы амнаас гарах үг бүрээр амьдарна” гэж айлдсан. (Мат 4:4) Төөлүүр хорхой нарсны шилмүүс иддэг шиг Бурханы хүүхдүүд Бурханы үг л идэж амьдарна. Юм идэхгүй бол тамир тэнхээ муутай байдаг шиг сүнсний хоол идэхгүй бол өлсөж, хүчгүй болно. Тиймээс Бурханы үг их идэж, бусад хүмүүстэй ч хуваалцах хэрэгтэй. Өөрсдөө ч амьдрахын тулд үг сурч, бусдад ч зааж, аврал руу хөтлөхийн тулд бүх зүрх, сэтгэл, оюунаа зориулцгаая. Библи дээр нэмж, хасалгүйгээр Библийг байгаагаар нь заах хэрэгтэй. (Илч 22:18-19)
“Олон хүнийг аваръя гэвэл өөртөө үйлчлүүлэх биш, үйлчилж золиос гаргах ёстой.”
Эцэг биднийг үхэх хүртлээ хайрласан. Нүгэлт хүүхдүүдээ тамын шийтгэлээс татан гаргаж тэнгэрийн оронд дагуулж ирье гэсэн хайрын сэтгэлээр махан бие өмсөж, анх ирэхдээ Есүс нэрээр, хоёр дахиа ирэхдээ Ан Сан Хун нэрээр ирээд Өөрийгөө дорд болгож олон хүнд үйлчилж аварсан. (Фил 2:2-7, Мар 10:43-45) Удаан хугацаанд золиос амсаж зүсэн бүрийн бэрхшээл амсахдаа ч амь нэг бүрийг аварсандаа баярлаж үргэлж инээмсэглэсээр байсан. Хүүхдүүдээ үйлд гэж хайрын жишээ үзүүлсэн. (Иох 13:15, 34)
Олон хүнийг аваръя гэвэл өөртөө үйлчлүүлэх биш, үйлчилж золиос гаргах ёстой. Эрдэм мэдлэг, эд хөрөнгө, эрх мэдэлтэй байсан элч Паул Бурханд дуудагдсанаас хойш дахин төрж их золиос гарган зовлон амсаж олон хүнд тунхаглахын тулд даруугаар боол мэт үйлчилсэн гэж бий. (1Кор 9:19)
“Паул “Бурхан боолын дүрээр ирээд тунхагласан болохоор би нүгэлтэн учраас бүр ч илүү тунхаглах ёстой” гэж бодон даруугаар Бурханы үгийн дагуу үйлдэж, олон үр жимс гаргасан.”
Паул сайн мэдээ тунхаглахын тулд нүцгэрч, өлсөж, шоронд ч хоригдож, олон удаа ташуурдуулж байсан хэдий ч нэг ч болов сүнс аврахад л санаа зовж байсан болохоос өөрийн зовлонг хэцүү гэж үзээгүй (2Кор 11:23-30). Тэгэхээр энэ ажил ийм л үнэ цэнэтэй юм.
Паул эд хөрөнгө, эрдэм мэдлэг, эрх мэдэл гээд байхгүй юмгүй хүн байсан ч олон хүний амийг аврахын төлөө Бурханы хүслийн дагуу боол мэт үйлчлэх амьдралаар амьдарсан. Тэрээр өөрөө амьд байвал бардам зан гарч ирж, эрх мэдэл нь гарч ирэх тул бардам өөрийгөө өдөр бүр загалмайд цовдолж, даруу, энэрэнгүй, хайр болох Бурханыг л дотроо амьдруулсан (Гал 2:20). “Бурхан боолын дүрээр ирээд тунхагласан болохоор би нүгэлтэн учраас бүр ч илүү тунхаглах ёстой” гэж бодон даруугаар Бурханы үгийн дагуу үйлдэж, олон үр жимс гаргасан.”
“Өөрийн бодлоор хийвэл үр жимс гаргахдаа удаан, харин Бурханы сэтгэлээр хийвэл үр жимс гаргаж чадна.”
Эрхтнүүдээс дургүй хүрэм эрхтэн ганц ч байхгүй. Тиймээс ах эгч дүү нартаа атаархаж, жөтөөрхөж болохгүй, харин хайраар нэгдэх хэрэгтэй. Сүнс дотор тустай үг, итгэлээр босгох үг, хүч өгөх ивээлтэй үг хэлбэл сонссон гэр бүлүүд илүү их үр жимс гаргах болно. (Ефе 4:22-32)
Өөрийн бодлоор хийвэл үр жимс гаргахдаа удаан, харин Бурханы сэтгэлээр хийвэл үр жимс гаргаж чадна. Бурханы үгийг байгаагаар нь хүргэж, та нарын сүнсийг аврах гэсэндээ Өөрийгөө даруу болгож, загалмайд үхэх хүртлээ золиос амссан Христ шиг золиос, хайрын сэтгэлээр сайн мэдээ тунхаглаарай. (Езе 3:17, Фил 2:5-8) Тэгвэл заавал үр жимс гарна.
“Бурханы хайран дотор бид нэг биеийн эрхтнүүд” Эхийн айлдлаас
