- “Бид хэлээ сайхан зүйлд, Бурханы төлөө хэрэглэх хэрэгтэй.”
- “Нэг үг хэлэхдээ ч “Энэ үг сонсох хүнийг бухимдуулах уу, баярлуулах уу, шархлуулах уу” гээд эхлээд бодох хэрэгтэй. Энэ нь л хайр..”
- “Бурханы охид, хөвгүүд бусад хүн сонсоод сорилтонд орох үг биш харин нигүүлсэл өгөх үг хэлэх ёстой.”
- “Сайхан үгээр ярилцдаг газарт инээд хөөр цэцэглэдэг. Сайхан үгээр ярих нь аз жаргал биш үү?”
“Бид хэлээ сайхан зүйлд, Бурханы төлөө хэрэглэх хэрэгтэй.”
“Үгэн дээрээ бүдэрдэггүй нэгэн байваас, тэрээр бүх биеэ хазаарлах чадвартай төгс хүн болой. … Мөн усан онгоцуудыг хар. Тэдгээр нь хэдийгээр агуу том болоод зогсохгүй хүчит салхинд туугддаг боловч жижигхэн залуураар залуурчийн хүссэнээр жолоодогддог. Түүнчлэн хэл ч гэсэн биеийн жижиг эрхтэн атлаа… Хэл бол гал бөгөөд зүй бусын ертөнц аж.” Иак 3:2-6
Том хөлөг онгоцыг жижигхэн залуураар жолоодож далай хөндлөн гаталдаг шиг бидний хэл ч бас жижигхэн эрхтэн боловч хэрэглэгдэхдээ асар их зүйлийг бүтээдэг. Энэ нь хэн нэгнийг аварч ч болно, хөнөөж ч мэднэ. Үг хэл буруудвал сүйрнэ, харин хэлээ ухаалаг хэрэглэвэл өөдлөн дэвжинэ. Хэлний хүч тийм л агуу юм. Хэрэв хэлээ сайн сайхны төлөө ашиглавал энэ нь хамгийн сайн зүйл болно. Гэвч муу зүйлд ашигласан хэл үнэхээрийн золгүй юм.
Хатуу үг хэлтэй хүн хэрүүл маргаан үүсгэдэг. Хүмүүс идэх юмны тухайд зөөлөнд нь дуртай байдаг шиг үг хэлний тухайд ч мөн адил. Бид Бурханы ивээлтэй үгээр мөнх амьтай болсон. Бид хэлээ сайн сайхны төлөө, энэ хэлийг бидэнд өгсөн Бурханы төлөө ашиглах ёстой.
“Нэг үг хэлэхдээ ч “Энэ үг сонсох хүнийг бухимдуулах уу, баярлуулах уу, шархлуулах уу” гээд эхлээд бодох хэрэгтэй. Энэ нь л хайр..”
Нэг үг хэлэхдээ ч “Энэ үг сонсох хүнийг бухимдуулах уу, баярлуулах уу, шархлуулах уу” гээд эхлээд бодох хэрэгтэй. Энэ нь л хайр. Бурханд итгэхээс өмнө бол хэлмээр байгаагаа хэлж, хиймээр байгаагаа бүгдийг хийж байсан бол одоо Бурханы үгийн дагуу үргэлж өөрөөсөө илүү бусдыг эхлээд бодох хэрэгтэй. Бие биенээ хайрлах нь дээрээс төрж байгаа хэрэг. Дээрээс төрье гэвэл нүгэлтний төлөө залбирч, нүгэлтний оронд золиос амсан байж нүгэлтнийг амьдруулсан Христийнх шиг үзэсгэлэнтэй, сайхан, тийм сэтгэлтэй байх ёстой.
Бурханаас хамгийн агуу хайр авсан юм чинь өөр юу ч хүсэх билээ дээ. “Би та нарыг яаж хайрласны адил та нар мөн бие биенээ хайрлагтун” гэсэн шүү дээ. (Иох 13:34) Энэ нь Бурхан та нарт мөнхийн хайр өгсөн тул бусдаас хайр авах гэлгүй бие биенээ хайрла гэсэн утга юм. Бие биенээ хайрлаж, халамжилбал аль аль нь баяртай байж, сорилтонд ч орохгүй.
“Бурханы охид, хөвгүүд бусад хүн сонсоод сорилтонд орох үг биш харин нигүүлсэл өгөх үг хэлэх ёстой.”
“Амнаас чинь ямар ч ялзарсан үг бүү гараг. Харин хэрэгтэй үед нь бусдыг босгон байгуулах тустай үг хэл. Тэгвэл энэ нь сонсож буй хүнд нигүүлсэл өгнө.” Ефе 4:29
Бурханы охид, хөвгүүд бусад хүн сонсоод сорилтонд орох үг биш харин нигүүлсэл өгөх үг хэлэх ёстой. Аврал хайрласан Бурхандаа талархах үг хэлэх юм бол гэр бүлүүд маань сайхан харагдаж, үнэнээрээ биширнэ. “Манай гэр бүлүүд шуналгүй, нэг ч болов сүнс аврахын тулд тэгтлээ сэтгэл оюунаа зориулдгийг нь харахаар үнэхээр тэнгэр элч юм аа.” “Бид санаа зовох юм байхгүй тэнгэрийн орон явах болохоор хичнээн жаргалтай гээч.” Иймэрхүү л яриа байнга өрнүүлэх нь зүйтэй. Тэгэх юм бол “Би үнэхээр аз жаргалтай байна” гэж бодох болно. Энэ бол зөөлөн хэл юм.
“Сайхан үгээр ярилцдаг газарт инээд хөөр цэцэглэдэг. Сайхан үгээр ярих нь аз жаргал биш үү?”
“Эелдэг хариулт уурыг зайлуулах. Эвгүй үгс хилэнг хөдөлгөх. Мэргэдийн хэл мэдлэг тараах. Мулгуучуудын ам мунхаглал оргилуулах.” Сур. Үгс 15:1-2
Хатуу ширүүн үг хэлэхийн оронд дандаа даруу үг, ивээлтэй үг, бусдыг баярлуулах үг хэлцгээе. Ар гэрт ч эхнэр нөхрийн хэрүүл, эсвэл хүүхдүүдтэйгээ маргах зэрэг нь бүгд л хэлэх үгнээс үүдэлтэй. Нийгэмд, итгэлийн амьдралд ч бусдын уурыг намжаах даруу үг, ивээлтэй үг хэлэх нь хайр. Сайхан үгээр ярилцдаг газарт инээд хөөр цэцэглэдэг. Сайхан үгээр ярих нь аз жаргал биш үү?
