- Бурхан бидний төлөө шагнал бэлдэж, “Үйлдсэнийх нь дагуу буцаан төлнө” гэж айлдсан.
- Бурхан “Сайн мэдээг тунхаглагчдын хөл юутай сайхан” гэж айлдсан байдаг.
- Үхэх хүнийг аврах гэж явдаг алхаа хичнээн сайхан бол? Тамын шийтгэл авах сүнснүүдийг тэнгэрийн орон руу хөтлөх үүрэг даалгавар гүйцэтгэдэг тул Бурхан ямар их хайрлах бол?
- “Олон шагнал авахын тулд бид яах ёстой вэ?” гэж дор бүрнээ дотроо бодож, өнөөдрөөс эхлэн шагнал хүртэхийн тулд шаргуу ажиллацгаая.
Бурхан бидний төлөө шагнал бэлдэж, “Үйлдсэнийх нь дагуу буцаан төлнө” гэж айлдсан.
Тэнгэрийн оронд очвол бүгд л шагнуулна. Шагнал авна гэдэг баяртай хэрэг. Хүчин зүтгэж ажилласан хүмүүс шагнал авна. Бурхан бидэнд тэнгэрийн хаанчлалд үй олон шагнал бэлдэж, “Үйлдсэнийх нь дагуу буцаан төлнө” гэсэн.
“Харагтун, Би удахгүй ирнэ. Хүн бүрд үйлдсэнийх нь дагуу буцаан төлөх шагнал минь Надтай хамт байгаа.” Илч 22:12
Энэ дэлхийд олон төрлийн шагнал байдаг даа. Тэгвэл хязгааргүй уудам тэнгэрийн оронд хэр их шагнал байх бол? Ноад өгсөн дуулгаврын шагнал, Мосед өгсөн тэвчээрийн шагнал, Абрахамд өгсөн итгэлийн шагнал, ерөөлийн үнэ цэнийг ухаарсан Иаковт өгсөн ухаарлын шагнал, Давидад өгсөн эрэлхэг байдлын шагнал, Соломонд өгсөн мэргэн ухааны шагнал гээд Бурхан олон шагнал өгнө. Гидеонд өгсөн дайчдын шагнал, Даниелын гурван найзад өгсөн итгэлийн шагнал, Иошуад өгсөн эр зоригийн шагнал, Петрт өгсөн итгэмжтэй байдлын шагнал, элч Паулд өгсөн хүсэл тэмүүллийн шагнал гээд л. Мөн үр жимсний шагнал, даруу байдлын шагнал, итгэл сүсгийн шагнал, буулт уучлалын шагнал, хайр халамжийн шагнал, дэг журмын шагнал, зохион байгуулалт эмх цэгцийн шагнал, үйлчлэлийн шагнал, хайрын шагнал зэрэг бий. Тоо томшгүй олон шагнал өгнө. Тунхаглагчдад аяга хүйтэн ус өгсөн ч бид шагналаа алдахгүй гэсэн. Тийм байхад Бурхантай хамт сайн мэдээний төлөө зүтгэсэн Сионы хүүхдүүддээ хичнээн агуу шагнал өгөх бол?
Бурхан “Сайн мэдээг тунхаглагчдын хөл юутай сайхан” гэж айлдсан байдаг.
Сионд өгдөг ерөөлийн талаар олон хүнд тунхаглаж, тэднийг авралд хүргэцгээе. Хүний амьдрал манан будан, өглөөний шүүдэр мэт түр зуур үзэгдээд алга болдог бол харин бид насан турш Бурханд итгэж, авралдаа бэлтгэж амьдрах ёстой. Бид л тунхаглахгүй бол авралын энэ сайхан мэдээг хэн сонсох уу? Яаж тэд Сион руу орох уу?
“Хүний хүү, Би чамайг Израилийн гэрт харуулаар өглөө. Чи амнаас минь гарах үгийг сонсоод, Миний өмнөөс тэднийг сэрэмжлүүл.” Езе 3:17
Бурханы өмнөөс тэднийг сэрээх үүрэг хариуцлага бидэнд бий. Сонсоод ирэх эсэх нь тэдний бодлын үр дүн. Бидний хувьд үүрэг хариуцлагаа биелүүлэх ёстой. Бурхан “Сайн мэдээг тунхаглагчдын хөл юутай сайхан” гэж айлдсан байдаг. (Ром 10:13-15)
“Бүх үндэстэн амийн зам хайж сион руу цутгана” Эхийн айлдлаас
Үхэх хүнийг аврах гэж явдаг алхаа хичнээн сайхан бол? Тамын шийтгэл авах сүнснүүдийг тэнгэрийн орон руу хөтлөх үүрэг даалгавар гүйцэтгэдэг тул Бурхан ямар их хайрлах бол?
Тэнгэрийн оронд яруу алдар эдлүүлэх зовлон болохоор нь сайн мэдээг “сайхан зовлон” гэсэн. Сайн үйлс хийх зовлонг давж гардаг хүний нэрс гэрэлтэнэ. Та нар бол тэнгэрээс алдагдсаныг хайж, Самари, дэлхийн хязгаар хүртэл сайн мэдээг тунхагладаг, тэнгэрийн орныг нь сэргээх сүнслэг тусгаар тогтнолын төлөөх тэмцэгчид юм.
Үхэх хүнийг аврах гэж явдаг алхаа хичнээн сайхан бол? Тамын шийтгэл авах сүнснүүдийг тэнгэрийн орон руу хөтлөх үүрэг даалгавар гүйцэтгэдэг тул Бурхан ямар их хайрлах бол? Ийм учраас Бурхан та нарыг хаан тахилч болгоно хэмээсэн. Байнга шинэ юм бүтээгддэг тэнгэрийн оронд мөнхөд амьдарсан ч уйдахгүй. Бурхантай нэг ширээнд хооллож, сансар огторгуйд найр үргэлжлэх тэнгэрийн орон заавал явцгаая.
“Та нар Миний хаанчлалд ширээнд минь идэж уун, сэнтийд залран, Израилийн арван хоёр овгийг шүүх болно.” Лук 22:30
“Олон шагнал авахын тулд бид яах ёстой вэ?” гэж дор бүрнээ дотроо бодож, өнөөдрөөс эхлэн шагнал хүртэхийн тулд шаргуу ажиллацгаая.
Бурхан биднийг шинэ гэрээгээр нэг бие болгож, мөнхийн тэнгэрийн орон руу хөтөлдөг. Уудам сансар огторгуй, галактикийн оддын ертөнцөөр Бурхантай хамт аялна гэж айлдсан. Эрх чөлөөний яруу алдарт орон, дайн дажингүй хайраар дүүрэн орон, өдөр бүр шинэ зүйл бүтээгдэж, баяр хөөр бялхдаг үзэсгэлэнтэй оронд амьдрахын тулд бид өө сэвгүй, гэм зэмгүй байхыг хичээх ёстой юм шүү.
“Харин Түүний амлалтын дагуу зөвт байдал оршдог шинэ тэнгэр, шинэ газрыг бид хүлээн байна. Тиймээс хайртууд минь, та нар эдгээрийг хүлээж буй учраас амар амгалан дотор толбогүй бөгөөд өө сэвгүйгээр Түүнд олдохыг хичээгтүн.” 2Пет 3:6-14
“Олон шагнал авахын тулд бид яах ёстой вэ?” гэж дор бүрнээ дотроо бодож, өнөөдрөөс эхлэн шагнал хүртэхийн тулд шаргуу ажиллацгаая. Алдагдсан ах, эгч дүү нараа бүгдийг нь олж, хайраар санаа тавьж, үйлчилж, тэнгэрийн хаанчлал руу хөтлөн, Бурханыг баярлуулж, Бурханы бэлтгэсэн олон шагналыг авахыг хүсье.
