Жагсаалт
Илчлэл номд гардаг Есүсийн сүйт бүсгүй нь Эх Бурханыг заадаг юм. Хурганы хурим болох үед Түүний сүйт бүсгүй гарч ирнэ гэж Библид зөгнөдөг (Илч 19:7-8). Хурганы хуримын найранд Сүйт залуу, Сүйт бүсгүй, зочид (уригдсан хүмүүс) гардаг. Сүйт залуу болох Хурга нь Есүсийг зааж байгаа бөгөөд (Иох 1:29), Сүйт бүсгүйтэй хамт гарч ирж буй Хурга нь Хоёрдугаар Есүсийг илтгэж байна. Сүйт бүсгүй нь тэнгэр Иерусалим гэж бэлгэдсэн Эх Бурханыг хэлнэ (Илч 21:9-10, Гал 4:26). Уригдсан хүмүүс гэдэг нь мөнх амийн ерөөл авсан итгэгчдийг зааж байна (Илч 19:9). Өнөөгийн Ариун Сүнсний үед Хоёрдугаар Есүс болох Эцэг Бурхан, Сүйт бүсгүй болох Эх Бурхан итгэгчдийг тэнгэрийн орны хурим найранд урих юм.
